Os/ as residentes presentan os seus resultados de investigación durante o mes de abril, do seu último ano de residencia, e optan ao premio anual que a Área Sanitaria de Vigo outorga ao mellor traballo de investigación dos residentes de Atención Familiar e Comunitaria, por contía de 1000€, e para difundilo na correspondente reunión da European General Practice Research Network (EGPRN).
Introdución
A Xerencia da Área Sanitaria de Vigo, no marco do Instituto de Investigación Biomédica Galicia Sur, convoca os premios á investigación para residentes de Atención Familiar e Comunitaria, co fin de promover a actividade investigadora e a internacionalización dos seus profesionais dende o seu período de formación.
Neste sentido, este premio pretende recoñecer os traballos de investigación da Área Sanitaria de Vigo, levados a cabo por residentes de Atención Familiar e Comunitaria de calquera dos centros da Área de Vigo, ó longo do seu período formativo.
Requisitos
- Estar realizando a residencia en Atención Familiar e Comunitaria na Área Sanitaria de Vigo.
- O número máximo de residentes por proxecto será de catro.
Premio
O premio financiará a inscrición, viaxe e aloxamento para presentación do proxecto premiado nunha reunión científica da European General Practice Research Network.
O xurado reservarase a posibilidade de estimular a investigación a través da entrega de accésit a calquera outra investigación que non teña sido a galardoada, pero que pola súa relevancia mereza tal distinción.
Presentación
É necesario defender o proxecto finalizado no acto de presentación dos traballos de investigación durante a residencia, que terá lugar última semana de abril. Os residentes remitirán un resumo de 400 palabras á UDM antes do día 20 de abril para que poda ser lido polos membros do tribunal antes da súa defensa.
Execución
Neste acto cualificáranse os traballos presentados para a avaliación sumativa dos residentes e outorgarase o premio ao mellor traballo. A execución do pagamento levarase a cabo cando os agasallados publiquen a súa investigación, para o que dispoñerán dun prazo de 12 meses a partir da concesión do premio e que terán que xustificar adecuadamente.
Avaliación
O xurado estará composto por profesionais con recoñecida experiencia investigadora no ámbito da Atención Primaria e sen conflitos de interese.
Para outorgar os premios, avaliaranse os seguintes criterios:
- Interese para a práctica clínica en Atención Primaria
- Orixinalidade e potencial innovador do descubrimento científico
- Aplicabilidade e impacto dos resultados da investigación no Servizo Galego de Saúd
- Metodoloxía:
- Obxectivos
- Deseño
- Aspectos ético-legales
- Resultados
- Conclusións
- Multicéntrico o cooperativo.
- Difusión
